22
Wie jedes Jahr heimer ou die Saison wie-
der mitem Froueturnier ds Zollbrück gstar-
tet. Das isch zersch veiechli guet verlofe,
so dassmer d Gruppephase ufem zwö-
ite Platz hei chönne abschliesse. Doch
när ischs im Halbfinal (villech ischs ou dr
Viertufinal gsi, isch scho chli lang här…)
gäg üses Zwöi zumne Unentschide und
somit zum Elfmeterschiesse cho. Und
wiumer no so gueti Erinnerige a Cupfinal*
hei gha und somit voller Selbstvertroue si
gsi – jedi het unbedingt wöue schiesse ;-P
–hei mer das Duell souverän verlore.
Witer ischs gange miter erste Rundi und
somit ere nöie Chance im Berner Cup
gäge FC Huttwil. Dr chlin Platz dert hetnis
rächt Müei gmacht, aber mir hei nache-
me hert umkämpfte Spiu de doch no 4:3
chönne gwinne und si froh gsi ischs nid
scho wieder zum Penaltyschiesse cho… O
di zwöiti Rundi gäge Radelfingen heimer
erfolgriich überstange und hoffe dasses
so witergeit u mir dr Finalizug vo letscht
Jahr chöi widerhole, vo Vorteil miteme
chli schönere Resultat. Zudem heimer i
dere Vorrundi ou im Schwizer Cup chönne
aträte. Das Abentür isch aber scho wider
verbi, wiu mer gäge FC Zollikofen mit 4:0
hei verlore, wobi z Resultat dütlecher isch
usgfaue, aus d Verhältnis ufem Platz würk
si gsi.
Ja u natürlech heimer ou ir Meisterschaft
gspiut, mau meh, mau weniger erfolgriich.
Das isch es zimlechs ufe und abe gsi und
so hei am Schluss 5 Siege, eis Unentschide
und 3 Niderlage usegluegt. Ufboue chöi-
mer für d Rückrundi ufem erste und ufem
letschte Spiu, wo eifach Jedi für Jedi isch
gange und mer nis gäge starki Gägner ou
z nötige Glück hei erkämpft. Und bises so-
wit isch und mer üsi Qualitäte ufem Bitz
vo nöiem chöi unger Bewiis steue fröie-
mernis itz zersch mau uf z Wintertraining
ir Halle und hoffe dass sech üsi Verletzte
bis i Früehlig erhole, damit si de ou wider
voll isatzfähig wärde si.
Evelyn Hofstetter
*Dr Berner Cupfinal gäge FC Goldstern
heimer nacheme 0:0 ir reguläre Spielzit
när im Elfmeterschiesse verlore.
VORRUNDE
DAME N 1
