7
Z ‘ E I S
Vor der neue Saison hetsech der Fc ent-
schide i dere Saison ä A – Juniore Mann-
schaft ds steue. I bi o dere Meinig gsi das
dä Schritt wichtig isch für d Zuekunft vo
üsem Verein o we das bedütet dasmer im
Momänt haut nume no 1 aktiv Mannschaft
hei. Mir hei mite de Spiler vom Zwöi kon-
takt ufgno u gluegt öbs de für die Spiler e
gueti Lösig git. Für di meischte isches klar
gsi dasi witerhin bi Langnau wei schutte u
somit heimer aui bi üs ufgno. Ufem Papir
simer afangs Saison es riesigs Kader gsi u
hei darume d Kooperation mitem Fc Tru-
ebschache agsträbt. D Idee derhinger isch
gsi das aui üsi Spieler am Wucheänd de
o chöi spilä, sigs im Eis z Langnau oder
de haut im Zwöi vo Truebschache. Ums
vorwäg z nä, genau ei Spieler het einisch
vo dere Müglechkeit gebruch gmacht u
isch mite Schächeler ufgloffe. Trozdäm
bini froh heimer di Müglechkeit mit üsne
Nachbare. Merci hie am Presi für sis Enga-
gement i dere Sach.
Vor dere Saison isch Der Simon Reber
nachemne Jahr in Konolfingen wieder zu
üs zrüg cho. Neu derzue cho si der Hör-
schi wo d A- Juniore bim Fc Dürrenast het
gspiut, der Joel Richard ä junge Goali vom
Ämme Team u der Besford Sopa wo usem
Kosovo uf Signau zügele isch. Mite diver-
se Spiler vom letschtjährige Zwöi zäme
hetsech üsi Personausituation extrem ent-
scherft u mir hei rund 23 Spiler im Kader
gha. Leider het aber o das Jahr d Verlet-
zigshäx üs nid verschont u mir hei früe ir
Saison der Hörschi, der Besford und ou
der Hofer Marc dür grobi Verletzige ver-
lore. I wünsche uf dam Wäg aune zäme
gueti bessrig.
Obwou der sportlech Erfoug mehrheitlech
isch usblibe u mir ir hingere Tabäueheuf-
ti azträffe si heimers aus Team sehr guet
gha. D Stimmig isch i däm haube Jahr su-
per gsi. Mir hei viu freud zäme gha uf u
näbem Platz. D Trainings si veiechli guet
bsuecht gsi u mir hei i jedere Einheit chön-
ne Gas gä.
Gstartet simer i di Saison mitere Niederlag
im Cupspiu ufemne extrem chline Platz
gägene kampfstarche Gägner. E gueti
Houptprob für üsi erschte Spiu in Huttwil
u Oberburg gäge Teams mitere ähnleche
Spiualag. In Huttwil heimer leider nid guet
gspiut u si oni Pünkt wieder hei. In Ober-
burg heimers de besser gmacht u di ersch-
te 3 Pünkt igfahre. So iz ändlech de hei uf
üsem eigete Platz … Mir heinis gfreut uf
das Spiu gäge Utzensdorf. Si eigetlech o
di besseri Mannschaft gsi eifach di cheibe
Gou hei nid wöue faue. U de glich hets de
no gräblet.. Ir 87. Minute mit der ersch-
te Chance het üse Gägner o grad troffe u
när dä Match gwunne … äähhh … Git so
Spiu wode no 5 stung chöntisch spilä aber
eifach kes Gou z stang bringsch. Üses mit
abstang schwechschte Spiu heimer in Lan-
genthal gäge Shiponia izoge u hei verdient
sang u klanglos verlore. Ds Team isch aber
o i dere situation zäme gstange u mir hei
vorwärts gluegt. Im Derby gäge Zollbrück
heimernis nid versteckt u si über langi Zit
e äbebürdige Gägnerg si aber o das hetis
keni Pünkt bracht. Ungmüetlech isch üsi
Tabäuesituation worde. Abstiegsgfährdet
u zwar starch. Mitem sieg gäge Olimpica
hets de e chlini beruhig gä. Mit üsem De-
fensivturm Ramy heimer i dere zit es expe-
rimänt gwagt u heine im Sturm la wüete.
DIE EINZIGI AKTIVMANNSCHAFT U SOMIT DS EIS
